په هېواد کې د مخابراتي شبکو د پراختیا لپاره ۵۵۰ نوي سایټونه جوړېږي
د مخابراتو او معلوماتي ټکنالوجۍ وزارت وایي، په هېواد کې د ټي ډي اېف لسمې پروژې له لارې د ۵۵۰ نویو مخابراتي سایټونو جوړېدو کار روان دی.
د دغه وزارت ویاند عنایت الله الکوزي وايي، تر دې دمه ۵۴ سایټونه د ۱۴ ولایتونو په محرومو سیمو کې بشپړ شوي او ګټې اخیستنې ته سپارل شوي دي.
خلک د دې پرمختګ هرکلی کوي او د مخابراتي شبکو پراختیا د لرو پرتو سیمو لپاره ګټوره ګڼي.
د کابل اوسېدونکي وايي، چې دا سایټونه به خلکو ته ګڼې اسانتیاوې برابرې کړي.
د اترا اداره وایي، په ټول هېواد کې د ۸ زره مخابراتي سایټونو له فعالېدو سره د خدماتو د ښه والي لپاره هڅې روانې دي.
