د بهرنیو چارو وزیر له ایراني سیال سره ټلیفوني خبرې کړې دي
د بهرنیو چارو وزیر امیرخان متقي له ایراني سیال سیدعباس عراقچي سره ټلیفوني مکالمه ترسره کړې او پکې د روانو ترینګلتیاوو په باب خبرې اترې شوې دي.
دې خبرو اترو کې تر ډېره د پاکستان له لوري د افغانستان د هوايي حریم پر نقض بحث شوی دی.
بهرنیو چارو وزارت وايي ښاغلي عراقچي د مذاکراتو د پیل له امله خوښي ښودلې، او د تفاهم له لارې يي د روانې کشالې پر حل ټینګار کړی دی.
د یادونې وړ ده چې هغه د روانو مذاکراتو ننګه کړې ده.
