د افغانستان فوټبال ملي لوبډلې له ایران څخه په لوی توپیر ماتې ومنله
یاده لوبه تیره شپه (د غبرګولي ۲۳مه) د افغانستان پروخت ماښام ۷:۳۰ د قرغزستان پلازمینې بیشکک امورزاکوف لوبغالي کې ترسره شوه چې د ایران ملي لوبډلې د۶ ګولونو په وهلو سره افغان لوبډلې ته۶-۱ په مقابل کې ماتې ورکړه .
دا د مرکزي اسیا د ملتونو جام د لومړي پړاو سیالیو په چوکاټ کې د افغانستان دویمه لوبه وه چې و یې بایلله.
له دې وړاندې په لومړۍ لوبه کې افغان لوبډلې د کوربه قرغزستان لوبډلې پروړاندې هم لوبه بایللې وه .
په یاده لوبه کې چې تیره شپه ترسره شوه په کې د افغانستان فوټبال فدراسیون مشرروزونکي عبدالله المطیري ته اجازه نه وه ورکړل شوې چې د خپلې لوبډلې سره یوځای و اوسي.
عبدالله المطیري ته له دې امله اجازه نه وه ورکړل شوي چې نوموړي د قرغزستان پروړاندې د لوبې په وروستۍ شیبه کې د لوبې د څارونکي سره د لفظي شخړې وروسته په غیرقانوني ډول خپل لوبغاړي له میدانه ویستلي وو.
د یادونې وړده چې د افغانستان اوایران فوټبال ملي لوبډلو ترمنځ لومړۍ لوبه په ۱۳۲۰ کال کې په کابل کې ترسره شوې وه چې مساوي پای ته رسیدلې وه .
یاده لوبه د محمد ظاهرشاه د واکمنۍ پرمهال د افغانستان د خپلواکۍ جشن په مناسبت ترسره شوې وه چې په کې دهند او پاکستان لوبډلو هم برخه اخیستي وه .
